लक्ष्मी नारायण स्तोत्रम् | Lakshmi Narayan Stotra | Lakshmi Narayan Stotra With Lyrics <br /><br />#narayan #lakshmi #laxmi #lakshminarayan <br /><br />ध्यानम्<br /><br />चक्रं विद्या वर घट गदा दर्पणम् पद्मयुग्मं <br />दोर्भिर्बिभ्रत्सुरुचिरतनुं मेघविद्युन्निभाभम् ।<br />गाढोत्कण्ठं विवशमनिशं पुण्डरीकाक्षलक्ष्म्योः <br />एकीभूतं वपुरवतु वः पीतकौशेयकान्तम् ॥ <br /><br />शंखचक्रगदापद्मकुंभाऽऽदर्शाब्जपुस्तकम्। <br />बिभ्रतं मेघचपलवर्णं लक्ष्मीहरिं भजे ॥<br /><br />विद्युत्प्रभाश्लिष्टघनोपमानौ <br />शुद्धाशयेबिंबितसुप्रकाशौ।<br />चित्ते चिदाभौ कलयामि लक्ष्मी- <br />नारायणौ सत्त्वगुणप्रधानौ ॥<br /><br />लोकोद्भवस्थेमलयेश्वराभ्यां <br />शोकोरुदीनस्थितिनाशकाभ्याम्।<br />नित्यं युवाभ्यां नतिरस्तु लक्ष्मी-<br />नारायणाभ्यां जगतः पितृभ्याम् ॥१॥<br /><br />सम्पत्सुखानन्दविधायकाभ्यां <br />भक्तावनाऽनारतदीक्षिताभ्याम् ।<br />नित्यं युवाभ्यां नतिरस्तु लक्ष्मी-<br />नारायणाभ्यां जगतः पितृभ्याम् ॥२॥<br /><br />दृष्ट्वोपकारे गुरुतां च पञ्च-<br />विंशावतारान् सरसं दधत्भ्याम् ।<br />नित्यं युवाभ्यां नतिरस्तु लक्ष्मी- <br />नारायणाभ्यां जगतः पितृभ्याम् ॥३॥<br /><br />क्षीरांबुराश्यादिविराट्भवाभ्यां <br />नारं सदा पालयितुं पराभ्याम् ।<br />नित्यं युवाभ्यां नतिरस्तु लक्ष्मी-<br />नारायणाभ्यां जगतः पितृभ्याम् ॥४॥<br /><br />दारिद्र्यदुःखस्थितिदारकाभ्यां <br />दययैवदूरीकृतदुर्गतिभ्याम् ।<br />नित्यं युवाभ्यां नतिरस्तु लक्ष्मी-<br />नारायणाभ्यां जगतः पितृभ्याम् ॥५॥<br /><br />भक्तव्रजाघौघविदारकाभ्यां <br />स्वीयाशयोद्धूतरजस्तमोभ्याम्।<br />नित्यं युवाभ्यां नतिरस्तु लक्ष्मी-<br />नारायणाभ्यां जगतः पितृभ्याम् ॥६॥<br /><br />रक्तोत्पलाभ्राभवपुर्धराभ्यां <br />पद्मारिशंखाब्जगदाधराभ्याम्।<br />नित्यं युवाभ्यां नतिरस्तु लक्ष्मी-<br />नारायणाभ्यां जगतः पितृभ्याम् ॥७॥<br /><br />अङ्घ्रिद्वयाभ्यर्चककल्पकाभ्यां <br />मोक्षप्रदप्राक्तनदंपतीभ्याम्।<br />नित्यं युवाभ्यां नतिरस्तु लक्ष्मी-<br />नारायणाभ्यां जगतः पितृभ्याम् ॥८॥<br /><br />इदं तु यः पठेत् स्तोत्रं लक्ष्मीनारयणाष्टकम्।<br />ऐहिकामुष्मिकसुखं भुक्त्वा स लभतेऽमृतम् ॥<br /><br />।। इति श्रीकृष्णकृतं लक्ष्मीनारयण स्तोत्रं संपूर्णम् ।।
